كنس ومسح

بعد ازنكم بق معلش
هنعمل كنس ومسح وتغير افكر وكده
وتغير بروجر
ونبداء بجد
من جديد
استنونى مش هغيب

كلمتين وبس

ليه نحب مدام هنفارق
ليه نصاحب مدام هنبعد
ليه نثق مدام هنتخان
يبق تحيا الوحده مع النفس

.ياَدِى النّيلَة

صحيت الصبح زى كل يوم ما بصحة ضربت شوب نسكفيه زى العادة وضربت البدله ونزلت رايح الشغل خرجت من المترو ورحت جايب الدستور ودي عاده يوميه أنى أجيب الدستور وزى كل يوم على طول أروح فاتح الصفحة 4 عشان أشوف الشاعر على سلامه كاتب أيه عشان كثير بحس أن الرجل ده بيكتبلى أنا وكتب الأبيات دى وزى ما بقول ديم أن أحسن حاجه تعبر عن لحاله إلى الوحد بعيشها هي الشعر وأسبكم مع الأبيات الجميلة لشاعر على سلامة

ياَدِى النّيلَة ...

مش عارف ..

هو أنا قليل البخت..

ولا قليل الحيلة..

كل ما أقول قربت خلاص ..

ألاقى السكة لسه طويلة..

يادى النيلة..

ده أنا م الصبح بعدل فيها..

بأي وسيلة ..

وكل ما أحول أفرح..

تطلع منى الضحكة حزينة..

بص بقى هو الحظ ..

والدنيا بجد بجد بخيلة..

مفيهاش فرح..

ومفيهاش قمح..

ومفيهاش قطن طويل التيلة..

هى الناس مبقتش بتفرح ليه..

فى المواسم..

حتى كل سنة وانتا طيب ..

بقت تقيلة ..

لكن عارف ..

رغم الخوف ..

والنار ..

والسكينة ..

لسه بلدنا ..

فيها حاجة جميلة ..

الشاعر على سلامة

انا قلبى بيدق بمزاجو

وحشتونى كتير كتير كتير
وحشتنى مدونتى اوى اوى
واخيرا عرفت مثل جميل اسمو الى انخرج من دارواتقل مقدارو
بس انا جبت كام بيت لشاعر على سلامه
يا رب تعجبكم
ومش هقول انتظرونى عشان فىناس اصدقائى بيزعلو انى بقول انتظرونى ومبجيش
بس خلاص انا موجود معاكم تانى زى زمان
وسمعنى بقا اجمل تحيا للبروجر
*******************************

انا قلبى بيدق بمزاجو ...
وكل تلات دقات يعدى دقة...
اقوله مالك ...
يقول مفيش...
يعم مالك ...
يقول مفيش...
بتحب ...
يقولى لأه...
عجزت ...
يقولى لأه...
انا بس با فكرك ...
انك مش حمل زقة...
ماأنا قلبى ...
غلس غلاسة...
اقلو الدنيا حلوة...
يقولى بلاش سياسة...
وبيرفض الحراسة ...
ويطير يحلم يغنى...
ويحب غصب عنى ...
علنى وف الخباثة...
ويرجع يدق بمزاجه...
وكل تلات دقات...
يعدى دقه...
الشاعر / على سلامة